Lunes, Setyembre 24, 2012


Past is Past
“Ang hindi lumingon sa pinanggalingan ay hindi makakarating sa paroroonan”
(Applicable ba? Hehehe)

Ilang minuto na ang nakakalipas, at ilang minuto ko na din kaharap ang laptop na’to wala pa din akong maisip na i-type tungkol kay Rizal. Bukod sa naunahan ako sa paksang gusto kong talakayin eh talagang hindi nagana ang utak ko.
Titig sa blangkong papel na kaharap ko (Microsoft Word)
ALT-TAB papunta sa Facebook.
ALT-TAB ulit sa Microsoft Word.
ALT-TAB ulit sa Facebook tapos Twitter.
Kusot ng mata, comment dito comment doon.
Like dito, like doon.
Tweet dito, tweet doon.
                Ang hirap naman -__________________________- Ano ba kasing magandang talakayin dito? LIMOT ko na kasi yung mga napag-aralan ko tungkol sakanya.
Ang sitwasyong ito ay kawangis sa realidad. Madalas kong maisip na ang pag-aaral ng Rizal ay sabit lamang sa mga subjects na mayroon ako, lalo na nung highschool. Madalas pa nga akong magreklamo dahil sa tambak na mga dates na kailangan kong kabisaduhin upang makapasa. Lagi naming sambit: “Ano bang maitutulong nito, pag nag doctor ba ako tatanungin ako ng pasyente ko kung kelan namatay si Rizal?” at ang mga katagang: “Di naman makakatulong to sa course ko!”
                Ito marahil ang dahilan kung bakit karamihan sa’ting mga pinoy eh mayroong National Amnesia. May napanood kasi akong documentary na tinatanong nya ang mga tao tungkol kay Rizal at mali ang mga sagot. Oo nakakatawa, pero kung ating titignang mabuti, parang nakakasama naman ng loob. Moderno na kasi masyado tayo ngayon, ang alam nalang natin eh Facebook: comment, like, share… Twitter: tweet, favorite, retweet… at iba pa! Pero pag tinanong tayo kung kalian ang birthday ni Rizal eh NGANGA ang masasagot natin, malalaman nalang natin na kaarawan nya kapag walang pasok kasi holiday, doon lang tayo magiging aware…KAMUSTA NAMAN?!
                Sinusubukan kong ilagay ang sarili ko sa katayuan ni Rizal, kung buhay man sya ngayon malamang sasama ang loob nya sa’ting mga Pilipino, pero satingin ko PATULOY PA DIN ANG KANYANG PAGLILINGKOD SA PILIPINAS at ito ang gusto iparating ni Rizal sa atin. Sa aking palagay, kaya natin pinag-aaralan si Rizal ay upang matuto tayong maging makabayan. Iminunumulat nya tayo sa realidad at tinuturuan tayong lumaban para sa kalayaan. Isinusulong nya ang tama sa mali. Hindi naman ito para sa dates lang eh, ito ay para sa’ting mga Pilipino at sa ikagaganda ng bansang ito. 

Nuisa, Aylyn SC.

Walang komento:

Mag-post ng isang Komento