Sabado, Setyembre 29, 2012

REBULTO


        Sa tuwing ako’y naglalakbay hindi pwedeng hindi ako makakakita ng rebulto. Rebultong sumisimbulo sa mga taong matagal nang pumanaw. Mga ebultong hindi ko alam kung bakit naisipan pang ipatayo. At mga rebultong kadalasang imahe ng bayani ang tema. Ngunit sa lahat ng aking nakita, may isang rebulto ng bayani ang umangat sa ahat. Nakikita natin itong nakatayo sa iba’t-ibang bahagi ng Pilipinas. Kadalasan itong nakapwesto sa harapan ng isang paaralan o di kaya samunisipyon ng isang bayan.  Ang inutukoy kong rebulto ay yung may hawak na libro at nakatingin sa malayo, ngunit sino nga ba ang rebultong ito?

Ang rebultong aking tinutukoy ay walang iba kundi ang ating pambansang bayani na si Dr. José Protacio Rizal Mercado Y Alonso Realonda, o “Pepe” for short. Sa aking buhay eskwela, hindi pwedeng hindi ko mapag-aaralan ang buhay niya. Hindi sa nagsasawa na ako, pero bakit ba kailangan paulit-ulit? Sa pagkakaalam ko hindi naman nag babago ang petsa ng kanyang kapanganakan at kamatayan, ang bilang nang kanyang mga kapatid, pangalan ng kanyang mga magulang at bilang nang kanyang naisulat na literatura. Pero bakit kailangang paulit-ulit nalang? Bakit?

Kung ating iisiping mabuti may dahilan kung bakit natin patuloy na pinag-aaralan ang buhay ni Pepe. Sa aking pananaw, pinag-aaralan natin ito dahil sa kanyang mga ideya at pilosopiya na naghahangad ng pagbagon ng bayan. Para maingganyo tayong makiisa sa mga gawaing pang publiko na naglalayong mapaganda ang sistemang panglipunan ng bansa. Bukod dito, patuloy nating pinag-aaralan ang buhay niya upang ituro satin ang importansya ng pagiging mabuting anak, isang responsableng estudyante, at pagkakaroon ng lakas ng loob naipaglaban ang alam nating tama. At upang mahikayat din tayo na mahalin at pagsilbihan ang ating bansa sa abot nang ating makakaya.

            Dahil sa mga nabangit kong dahilan kung bakit tayo patuloy na nag-aaral ng Rizal, ito na din marahil ang dahilan kung bakit siya ay nararapat na pagpatayuan ng rebulto. Ang rebulto ni Rizal ang magpapaalala sa atin nang kanyang kabayanihan at wagas na magmamahal sa bayan. At upang hindi natin makalimutan na may isang Dr. Jose Rizal na nagbuwis ng buhay para sa ikaka-unlad ng bayan.           
                          


                                                                                                                        By: KING LOUIS C. INGUITO

Walang komento:

Mag-post ng isang Komento