Biyernes, Setyembre 21, 2012

SI RIZAL BILANG BAYANI


Kung si Dr Jose Rizal ay buhay, siguro ay hindi siya magiging isang bayani. Bakit? Dahil kinilala lang naman sya bilang "bayani" pagkatapos siya patayin ng mga Espanyol. Itinuturing bayani ang isang tao kapag ito ay namatay na.
SI RIZAL BILANG BAYANI: Ang ganitong parangal ay nararapat lang na ibigay sa isang taong naglingkod sa bayan ng walang pag-iimbot at nagpamana sa lahing Pilipino ng mga turo at aral na nagpapatuloy magpakailanman. Naiiba sa lahat ng bayani si Rizal. Kung ihahambing siya kay Bonifacio ay malayung-malayo ang agwat nila pagdating sa talas ng pag-iisip. Matalino ang ating pambansang bayani. Katunayan dito ay ang mga nobela at mga akdang ginawa niya na magpahanggang ngayon ay tinatangkilik pa rin ng mga Pilipino dahil sa kahusayan ng pagkakagawa nito. Mahusay siyang mag-isip at madaling matoto sa ibat-ibang bagay. Siya ay isang dakilang tao, maraming talento at likas ang pagmamahal sa bayan. Sa lahat ng bayani sa buong mundo ay bukod tanging ang buhay niya ang may pinakamaraming naitala sa kasaysayan. Katunayan, hindi sasapat ang isang araw para pag-usapan ang kanyang buhay. Sa kolehiyo ay isang asignatura ang inilalaan para pag-aralan ang kanyang buhay sa loob ng isang semestre. Marami pang natatanging katangian ang ating pambansang bayani. Marami pang mahahalagang bagay ang kanyang nagawa. Marami pang dapat pag-usapan tungkol sa buhay niya. Pero ang mahalaga sa lahat ay ang makilala siya bilang isang huwarang Pilipino pagdating sa paglilingkod sa bayan, bilang isang mamamayan na marunong lumaban sa mga mapang-api sa pamamagitan ng mapayapang paraan, at isang bayani na karapat sa kanyang kinaluluklukan. Si Jose Rizal ay isang tao rin katulad natin. Ang katulad niya pagdating sa katangian ang malaking kulang sa ngayon sa ating mga Pilipino. Bawat isa ay maaring maging bayani katulad niya. Maaring hindi na siya mahigitan ninuman sa kasalukuyan, ngunit ang mahalaga ay ang maging kaisa niya pagdating sa isip, sa salita at sa gawa para sa kabutihan ng bayang pilipinas.
Ano kaya ang buhay ni Rizal kung hindi siya ang tinaguriang bayani? Paano kaya kung nag kaanak si Rizal sa lahat ng mga babaeng naging parte ng buhay nya? Ito ang mga katanungang gusto kong masagot.
Sinasabing si rizal ay isang palikero simula noong siya ay labinlimang taon. kahit na ang unang batang babae sakaling mahuli ang mata ng batang Pepe na si Julia. Nakita niya ang isang maganda, batang babae suot ang pulang palda na sinusubukan upang mahuli ang dalawang Paru-paro. Ito nga si Julia. Jose at Julia ay musmos pa lamang at masyadong batang at inosente upang magkaroon ng tunay na relasyon sa oras na iyon, kaya sila ay nagkahiwalay. Dito ay masasabi na nating palikero talaga si Rizal sa panahon niya. Kung si Rizal ay hindi bayani siguro ay isa siyang ama. Isang  ama na may simple at mapayapang pamumuhay. At doon na nagsimula ang kwento ng buhay pag ibig ni Rizal habang siya ay lumalaki.
 Para sakin siguro para siyang si “DOLPHY”. Isang responsableng ama at may mabait na kalooban. Na sa bawat problemang haharapin ay dinadaan lang sa tawa. Nagka roon man ng maraming babae sa kanyang buhay at nag karoon ng mga anak. Ang lahat namang ito ay nabigyan niya ng pansin at nag karoon ng pantay-pantay na pagtingin. Minahal ang mga anak at maraming tao ang pinasaya. Ayan si Rizal para sa akin kung siya ay nabubuhay at hindi naparangalang bilang bayani ng ating bansa. At katulad din ni Rizal noong namatay na si Dolphy saka siya binigyan ng parangal sa ating bansa. Na noong nabubuhay pa lamang ay nagbigay na ng magandang impluwensya sa atin. At hanggang ngayon na sila ay namatay na patuloy na may mga bagay na nagpapa alala sa atin noong sila ay nabubuhay pa lamang ang mga kabutihang kanilang ginawa sa ating bansa. Bilang isang PILIPINO.

by: Arlynn Raquel

Walang mga komento:

Mag-post ng isang Komento