Si Rizal sa Makabagong Panahon

         Habang nakikipagkwentuhan ako sa mga bisita ng aking ina, napansin ko na ibang iba na talaga ang panahon ngaun kesa noon ayon sa mga kwento ng mga nakakatanda sa akin. Masyado na raw moderno ang panahon ngayon at masyado ng pinapadali ang lahat ng bagay kesa noon na kailangan mo munang paghirapan ng husto bago mo makuha marahil dahil na rin siguro ito sa kakulangan ng mga kagimitan na makikita na sa kasalukuyan. Dahil dito bigla ko na lang naisip na paano kaya kung sa modernong panahon nabuhay si rizal? Ano rin kaya ang mga gagawin niya o masasabi niya sa mga kasalukuyang nangyayari ngayon sa bansa? Magiging isang manunulat pa rin kaya siya o magiging isang ordinaryong bata lamang siya na mahihilig din sa dota? May potensyal kaya siyang maging isang magaling at mabuting presidente o magiging isang kurakot din siya gaya ng ibang politiko? Magiging maunlad kaya ang ating bansa kung sa modernong panahon siya isinilang? Magiging sikat din kaya siya gaya ng mga artista? At kung saka-sakaling totoo ang haka-haka na bakla si rizal, magiging kagaya kaya siya ni vice ganda? Ito ang ilan sa mga katanungan na naglalaro sa aking isipan sa tuwing maiisip ko si rizal at ang makabagong panahon.

            Marahil marami rin ang gustong makaalam kung paano mabubuhay si rizal kung sa panahong ito siya isinilang. Bagamat alam natin ang naging buhay at kontribusyon ni rizal para makamit natin ang kalayaang tinatamasa natin ngayon hindi pa rin talaga natin lubos na nakikilala si rizal dahil na rin mismo ito sa mga limitadong impormasyon na nakalap nung pumanaw na si rizal at dahil na rin sa mga mananakop na pinilit itago ang katotohanan sa ating mga ninuno.

by: Jackylin L. Dela Cruz